И-и, бер әбине интектерделәр дә соң!

"Коръән ашы турындагы язманы укыгач шалтыратырга булдым, -- дип сөйләде ул. -- Аш башланыр алдыннан и-и тырышып-тырышып яулыкларын бәйли ханым, туташ, апалар. Кайсы баш очына чүмәлә куя, кайсы нәрсә... Азапланалар, матур булмады дип тагын сүтеп аталар. Карап торырга хәтта кызык.

И-и, бер әбине интектерделәр дә соң. Әллә нәрсәләр кадап бетерделәр. Әбиең мескен башын селкетергә дә куркып утырды. Ахырдан бөтенләй сүтеп, әбиләрчә яулыгын бәйләп куйгач кына тынычланды. 

Кеше янында барыбызның да матур буласы килә шул. Әмма  элек--электән безнең татар халкы яулыкны дүртпочмаклап бәйләгән. Нигә шулай гына матур яулыкларны бәйләмәскә? Мода күрсәтергә җыелмыйбыз лабаса!"