Арча яңалыклары
Үрнәк авыл җирлегендә үзара салым акчасы җыю буенча референдум уза
Бүген, 1 декабрьдә Үрнәк авыл җирлегендәге 986 нчы сайлау участогында үзара салым акчасын җыю буенча референдум уза. Участок иртәнге 7 дә беренче сайлаучыларын кабул итте.
беренче булып Үрнәктә яшәүче Мансура Галәү кызы Заһидуллина килде. Мансура апа һәр сайлауда беренчелекне бирми диярлек. Бүген дә ул иртүк авыл җирлегенең хезмәтенә канәгать булып, авылда башкарылган эшләр өчен рәхмәтен укып сайлап китте.
Халык иртәдән актив булды. Кемддер эшкә ашыга, кемднр иртүк тавышын биреп кайтып үз эшләрен планлаштырган, шуңа күрә иртәдән участокта кеше шактый иде.
986 нчы сайлау участогында 8 авылга 1234 тавыш бирүче бар. Иртәнге 10 сәгатькә аларның 30 проценты үз тавышларын бирергә өлгерде.
Тавыш бирү кичке 8 гә кадәр дәвам итә.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев