Арск-Информ
  • Рус Тат
  • Сигез яшьлек баланы күршесе мылтыктан атып үтергән

    Балалар йөри торган урында бер ир-ат мылтыктан калай банкаларга атып уйный.

    Түбән Тагил шәһәрендә 2019 елның августында фаҗига була. Сигез яшьлек малайга күршедә яшәүче ир-ат пневматик мылтыктан ата. Баланың башы яралана. Ул шушы көннәрдә Екатеринбург хастаханәсендә вафат булган. Бу турыда «Вести» каналы хәбәр итте.

    Түбән Тагил шәһәренең шәхси йортлар урнашкан районында 35 яшьлек ир-ат калай банкаларга мылтыктан атып уйный. Шул тирәдә генә балалар йөри, алар таганда атына. Ядрәләрнең берсе сигез яшьлек малайның башына тия. Аны хастаханәгә озаталар.

    Биш ай эчендә балага ун операция ясыйлар. Баланың ата-анасы баштан ядрәне алырга ризалашырлык табиб-нейрохирург эзли. Ләкин табибларның тырышлыгы ярдәм итә алмый. Бала вафат була.

    Реклама

    Малайның апасы кайгылы хәбәр турында «ВКонтакте» челтәрендә язып куйган.

    «12.01.2020 бүген Егор үлде. Авыр туфрагың җиңел булсын. Без сине яратабыз. Син яраткан энекәш, кайгыртучан абый идең. Бик яратабыз сине. Нигә шулай кыска гомерле булдың икән», — дип яза Алинә.

    Баланы атып яралаган ир-атка карата «хулиганлык» һәм «саксызлык аркасында сәламәтлеккә авыр зыян китерү» маддәләре буенча җинаять эше ачылган.

    https://intertat.ru/news/incident/13-01-2020/nig-shulay-kyska-gomerle-buldy-sigez-yashlek-balany-k-rshese-myltyktan-atyp-terg-n-5715700

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: