Якубовичның пенсиясе аз икән

Билгеле телевидение тапшырулары алып баручы Леонид Якубовичның пенсиясе күп түгел икән. Шуннан чыгыптыр инде ул: ”Русия хезмәт һәм социаль яклау министрына минималь пенсия билгеләсәң, бүгенге хәл яхшы якка үзгәрер иде”, - дигән.

Леонид Якубовичның пенсиясе 23 мең сум тәшкил итә. Ул әлеге сумманың яшәү өчен бик аз булуын билгели.

Ир-егет үзе тормышка зарланмый, чөнки эшләп тора, кереме начар түгел. Әмма гомер буе намуслы хезмәт итеп, аз пенсиягә яшәргә мәҗбүр булганнар өчен борчыла.

“Пенсия тәгаенләү системасын үзгәртү өчен бер кешенең сүзе генә үтемле түгел, бу проблема белән профсоюзлар даими рәвештә шөгыльләнергә тиеш”, дип саный ул.

Русиянең халык артисты пенсиясен тотынмавын, җыеп баруын белдергән. Ул акчалар укыган кызына һәм оныгына бер кирәк булыр, ди.

Аңа кадәр Лев Лещенко – 30 мең, Евгений Петросян – 20 меңнән артык, Регина Дубовицкая – 16 мең, Юрий Лоза 12 мең пенсия алуы турында белдергәннәр иде.

Нигә һаман сәхнәдән китмиләр, дип аптырыйбыз, югыйсә...

Автор : Тухватуллина Алсу

Чыганак: Яндекс новости

Фото: tuapsevesti.ru ok.ru

https://omet-rb.rbsmi.ru/articles/s-yas-t-m-iktisad/Yakubovichni-pensiyase-az-ik-n-bit-131352/