Данил Сәфәров: «Ир – ир урынында, хатын хатын урынында булсын»

Данил Сәфәров, журналист:

– Яшь гаиләләргә киңәш бирерлек зур тәҗрибәм юк үзе. 13 ел гаилә булып яшибез, Аллага шөкер. Минем күзаллавымча, ир – ир урынында, хатын хатын урынында булырга тиеш. Рольләр алышына башласа, конструкция кыйшая. Безнең полосада гаиләләр күбрәк патриархаль модельдәдер. Хатын-кыз ир-ат белән ярыша башласа, үзен гипермөстәкыйль күрсәтергә тырышса, бу хәерлегә илтмәс. Күзәтүем буенча, көчле хатыннар бәхетсез була. Хатын-кызның бәхете – аның көчсезлегендә. Әмма кайбер гүзәл затлар көчле булырга мәҗбүр. Әйтик, ире эчә икән, хатынның гаилә дилбегәсен үз кулына алмый хәле юк. Әмма һәр хатын-кызда ирен туры юлга бастыру көче, потенциалы бар дип уйлыйм. Ир – баш, хатын – муен, диләр бит. Кыскасы, түгәрәк йомылды. Күп сөйләдем бугай. Сөйләгәннәремне хатыным күрмәсен.

Лилия Гыймазова

Чыганак https://vatantat.ru/2022/05/81876/