Татар блогеры Гөлүсә Рахматуллинадан кореяча кишер тәмләткече белән горбуша филесы рецепты

Рецепт өчен кирәк була: 

Горбуша филесе

Тоз

Борыч

Кишер

Суган

Кореяча тәмләткеч

Бәрәңге

Атланмай

Сарымсак

Укроп

Эш барышы:

Филене чистартып майланган табага җәеп салабыз. Өстенә тоз, борыч сибәбез. 120-130 градустагы мичкә озатабыз. Ул арада 2-3 баш суганны ярым боҗралап турыйбыз, 1 уртача зурлыктагы кишерне угыч аша кырабыз. Ярты чәй калагы кореяча тәмләткеч, тәменчә тоз, 1 аш кашыгы усемлек мае, бер чәй калага зәйтун маен салып кул белән уабыз. Табада 5-7 минут тирәсе пешекләп алабыз да, мичтәге филе өстенә җәябез. Мичне 170-180 градуска куябыз. Ул шулай пешеп бетәр. Бәрәңгене тозлы суда пешерергә. Суыннан сөзергә. Табага бераз ак май салып, 1-2 тырнак сарымсак сытарга. 2-3 минут кызлырып алабыз. Пешкән бәрәңгеләрне шунда әвәләп алабыз да, балык янына мичкә 10 минутка тыгып алабыз. Ашларыгыз тәмле булсын!

Фото: Гөлүсә Рахматуллинаның шәхси битеннән