Кадерле мәктәп укучылары һәм студентлар! Хөрмәтле педагоглар һәм ата-аналар!
Белем көне һәм яңа уку елы башлану белән чын күңелдән котлыйм!
Иң җылы сүзләр бүген мәктәп бусагасын беренче тапкыр атлап керүчеләр — безнең кадерле беренче сыйныф укучыларыбыз өчен яңгырый! Быел район мәктәпләрендә парта артына биш йөздән артык беренче сыйныф укучысы утырачак. Алда сезнең ачышлар, өметләр һәм яңа дуслар белән онытылмас очрашулар вакыты. Бу уку елы сезнең һәрберегез өчен яңа үрләргә күтәрелүгә этәргеч булсын!
Арча районында без һәрвакыт белем бирү мохитен үстерүгә зур игътибар бирәбез: мәктәпләрне яңартабыз, кабинетларны җиһазландырабыз, педагогларга ярдәм итәбез һәм балалар программаны үзләштереп кенә калмыйча, фәндә, иҗатта яки спортта үз талантларын да ача алсын өчен шартлар тудырабыз. Һәм монда остазларның, ата-аналарның – үсеп килүче буынны тәрбияләүгә көн саен көч һәм җанын салучыларның барысының да казанышы зур.
Яңа уку елы уңышлы, матур вакыйгаларга һәм казанышларга бай булсын! Педагогларга илһам һәм һөнәри уңышлар, мәктәп укучыларына һәм студентларга — тырышлык, кызыклы ачышлар һәм тугры дуслар, ә ата — аналарга балаларының уңышларыннан тынычлык һәм шатлык телим.
Арча муниципаль районы башлыгы Алмаз Хисаметдинов
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев