Арчада хәрби хезмәткә сайлап алу мобиль пункты эшләде

Палаткада барлык теләүчеләр әлеге юнәлеш буенча кызыксындырган сорауларын бирергә, гариза язарга һәм ташламалар турында белешергә мөмкин иде. Агитация күргәзмәсе эшләде, әңгәмә үткәрелде. Катнашучыларның яше 18 яшьтән 55 яшькә кадәр, сәламәтлеге яхшы булу шарт.

“Контракт буенча хезмәт турында белергә теләгән барлык кешеләр биегә килеп сорашалар. Без барын да сөйлибез, хәрби хезмәт шартлары белән таныштырабыз. Теләүчеләр бер елга контракт төзи ала. Россия Федерациясенең төрле почмагындагы хәрби частька барырга була. Әлегә Татарстанда бер тапкыр түләү – ике миллионга кадәр.  Контрактны ир-атлар да, хатын-кызлар да төзи ала”, - диде контракт буенча хәрби хезмәткә сайлап алу инструкторы Алексей Степанов.

Биредә автомат макеты да тәкъдим ителгән иде. Теләге булган һәркем килә, тотып карый, шулай ук үзен автомат җыюда һәм сүтүдә сынап карый ала.
Алексей Степанов әйтүенчә, хәрби хезмәткә контракт буенча алу мобиль пункты районнар буенча йөри. Бүген Арчага килүләрен сәбәбе – биредә яшьләр өчен патриотлык, Ватанга һәм әйләнә-тирә мохиткә мәхәббәт хисләре тәрбияләүгә юнәлдерелгән «Арча-уен» спорт-күңел ачу уены узу. Ярышларның этаплары арасында армия һәм туристлык полосалары, ату, ориентлашу бар иде.