Арчадан Илдус Сәгъдиевка орден тапшырылды

Әле генә Арча педагогика көллияте җитәкчесе Гөлнара Гарипова белән сөйләшеп алдык.

 - Казаннан кайтып килеш. Укытучылар һәм остазлар елының йомгаклау чарасы булды,  - диде ул.  - Бүген бездә зур бәйрәм. Татарстан Республикасы Рәисе  хезмәт ветераны, районның шәрәфле гражданины Илдус Сәгъдиевка Дуслык ордены тапшырды. Үзе мактау сүзләре дә җиткерде."Без аның белән Арчада бергә эшләдек. Ул педучилище директоры, мин райпо рәисе идем. Мин аны бик яхшы кеше, яхшы оештыручы буларак беләм", - диде ул. 

Чын күңелдән котлыйбыз, Илдус Абдрахманович. Сез аңа лаек.