Әти-әниләр бик тырышлар

Урам мәйданчыгын үз тырышлыклары белән тагын да матур, яңа, төрле төстәге корылмалар белән бизәделәр.
Искиткеч матур вагоннары белән поезд, кошлар өчен ашханә, туп белән уйнарга җайланма, утыргычлар, юл йөрү кагыйдәләрен өйрәнү өчен өстәлләр, гөлләр үстерү өчен тартмалар, агач күпер әллә каян күренеп, балаларны уенга җәлеп итеп тора.
Нәни балалар бик шатланып уйныйлар, күңел ачалар . Җәйге чорда балаларның күп вакыты урамда-уен мәйданчыгында үтә .
Әти-әниләргә хезмәткәрләре өчен чын күңелдән олы рәхмәтебезне җиткерәбез!
Тәрбиячеләр һәм әти-әниләр бердәм булганда гына балага дөрес тәрбия биреп була. Балаларны кечкенәдән хезмәт сөючән итеп тәрбияләүдә бу бердәмлек үрнәк булып тора.
Безнең нәниләребез әти-әниләренең хезмәтләрен күреп горурланып үссеннәр!

Зиннәтова Г.Б.

Гәбделбәрова Ә.Р.