Бер гаиләдән иң яшь сайлаучы һәм иң өлкән сайлаучы

Сәгыйтовлар гаиләсе Носыда яши. Вәзир белән Гүзәлиянең  кызлары Нәзилә 18 яше тулып, беренче тапкыр сайлауда катнашты. Физик тәрбия укытучысы буласы. Абыйсы да шул юнәлештә югары белем алды. Әбисе, әтисенең әнисе Гөлфәрия апа 88 яшендә сайлау участогына барып тавыш бирде. Пенсиягә чыкканчы фермада бозаулар карады һәм колхозда төрле эштә эшләде. Өч буын - бала, әти-әни, әби - Россия Президенты кандидатурасына тавыш бирделәр. Теләкләре изге - яңа сайланачак Президент халык ышанычын акласын иде.