Без Рөстәмнең гармунда уйнаганын рәхәтләнеп тыңладык (ВИДЕО)

Белмәгәннәр кем икән бу егет, бигрәк оста уйный, дип сорашып утырдылар. Соңыннан редакциядә дә шул турыда сүз кузгаттык. Безнең баш мөхәррир Исрафил Насыйбуллин: "Безнең Наласа авылы егете Рөстәм Сабиров ул, - дип сөйләде. - Әти-әнисе Мөнир абый белән Әлфия апа икесе дә укытучылар. Өч егет үсте алар. Бар да музыкага хәвәс, сәләтле кешеләр. Әтиләре Мөнир абый шундый. Җырлый да, гармунда да уйный. Бүген дә концертларда катнаша. Рөстәм шәхси эшмәкәр. Тимердән әйберләр ясый. Гаиләсе белән Арчада яши". Без Рөстәмгә уңышлар телибез! Рөстәм, һаман да шулай тамашачыны куандырып яшә!