Без - яңа буын сайлаучылары

Яшь сайлаучылар көне кысаларында Яңа Кенәр авыл китапханәсендә уздырылган "Без - яңа буын сайлаучылары" дип исемләнгән интеллектуаль уен авыл җирлеге башлыгы Гайфуллин Әгьзам Әдһәм улының чыгышы белән башланды. Әгьзам Әдһәмович укучыларга сайлау компаниясе нәрсә ул, ни өчен сайлаулар уздырыла, халык өчен нинди файдасы барлыгы турында мәгьлүмат бирде. Шулай ук, укучыларга Арча районы территориаль сайлау комиссиясе тарафыннан бирелгән значокларны тапшырды. Алга таба китапханә мөдире Файзрахманова Лилия Фердинант кызы сайлау комиссияләренең эшчәнлеге турында, сайлау участокларындагы эш барышы буенча мастер класс уздырды. Соңрак укучылар белән сайлау комиссиясенең эшчәнлеге буенча интеллектуаль уен уздырылды. Укучылар арасыннан сайлау комиссиясе төзелеп, сайлауга килгән укучылар белән сайлау узды. Укучылар уен барышында ил президентын сайладылар.

Әлеге хәбәр Туфан Миңнуллин исемендәге Яңа Кенәр авыл китапханәсеннән алынды