Иң кызыклы дәрес

Урман – үзе бер сихри дөнья бит инде ул. Китаптан уку, телефоннан карау бер нәрсә, ә үз күзләрең белән күрү, саф һавасын сулау – бөтенләй икенче. Биредә аларны табигатьне, урман дөньясын яхшы белгән белгечләр каршы алды. Татарстан Республикасының Биологик ресурслар буенча дәүләт комитетының Арча районы буенча хайваннар, үсемлекләр дөньясы  һәм аерым табигый территорияләр өлкәсенә дәүләт контроле буенча бүлек җитәкчесе Илһам Галимҗанов, “Ашыт” дәүләт тыюлыгы җитәкчесе Рамил Сабиров, хезмәткәрләр Гөлнара Габдрахманова, Рәшит Әхмәтҗанов хайваннар һәм үсемлекләр дөньясы, аларны саклау чаралары турында үтемле итеп сөйләделәр, сорауларга җаваплар бирделәр.