Казаклар авылында матур бер очрашу

-Көзнең тәүге олы бәйрәме - Өлкәннәр көне, - дип сөйли Гөлфирә Зарипова. - Шул уңайдан Казаклар авылы өлкәннәренә "  Изге айда - изге гамәл " исемле очрашу кичәсе оештырылды. Кичәнең кунагы Арча мөхтәсибәтенең укыту эшләре һәм мөслимәләр берлеге җитәкчесе, Арча шәһәренең мактаулы шәхесе Рая апа Фатхуллина. Рая абыстай үтемле вәгазьләр,  мөнәҗәтләр, матур, изге теләкләрен җиткерде авылыбыз өлкәннәренә.Очрашу кичәсе мул табын артында узды. Һәркем өчен үтемле чара булды. Өлкәннәребезгә ныклы сәламәтлек,  бәрәкәтле,  озын гомерләр телибез. Күкләребез аяз,  илләребез тыныч булсын!