Көллияткә бүләккә комбайн бирделәр

– Күптәнге хыялыбыз иде инде бу, – ди директор Зөлфәт Дәүләтбаев. – Басуларда заманча техника эшли, безгә бит шуларны эшләтә торган  механизаторлар әзерләргә кирәк. Мондый бүләк  өчен рәхмәтебез чиксез!

– Әлеге бүләк өчен “Ак Барс“ холдинг компаниясе җитәкчесе Иван Егоровка зур рәхмәт! – ди “Ак барс“ агрокомплексы“ ширкәте җитәкчесе Ленар Абдуллин. – Район башлыгы Илшат Габделфәртович Иван Михайловичка шундый  үтенеч белән мөрәҗәгать итте, ул ризалыгын бирде.

Мондый шатлыклы вакыйгалар әле тагын булачак. “Яңарыш“, “Игенче“, “Курса МТСы“, “Аю“, “Кырлай“, “Казанка“ ширкәтләре җитәкчеләре көллияткә трактор алып бирергә вәгъдә иткәннәр иде. Егетләр сүзе бер булыр.