Кырымның Россия белән берләшүенә ун ел тулу уңаеннан Арчада бәйрәм концерты узды

Моннан 10 ел элек бөтен кырым рефендумы булып, анда Кырым һәм Севастополь халкы үз киләчәген Россия белән бергә теләк белдерә һәм әһәмиятле карар кабул итә. Кырым Россия составына кайта. 

Әлеге тарихи вакыйга һәм истәлекле дата уңаеннан Арча балалар сәнгать мәктәбендә бәйрәм концерты узды. 

Бәйрәм чарасында Арча районы башлыгы Илшат Нуриев та катнашты. 

"Моннан ун ел элек истәлекле вакыйга булды. Бүген безнең илебез буйлап, Кырым буйлап бәйрәм концертлары, митинглар уза. Кырым - ул ял итү урыны гына түгел, ул бик мөһим объект. Кырымлылар, Луганск, Донецк, Херсонск өлкәләрендә яшәүчеләр белән бергә бүген безнең якташлар да илебезнең бәйсезлеген яклый. Биредә утыручыларның күбесе волонтерлык эше белән шөгыльләнеп, гуманитар ярдәм җыюга үз өлешен кертә. Мондагы һәркемнең фикерен җиткерәсем килә. Тизрәк илебезгә тынычлык килеп, егетләребез исән-имин әйләнеп кайтып, бер-беребезне хөрмәт итеп яшәсәк иде", - диде ул. 

Бердәмлекне, дуслыкны алга сөргән "Кырым язы" бәйрәмендә районыбызның иң оста, танылган җырчылары, бию һәм җыр коллективлары чыгыш ясады.