Кыярлар боз астында калды...

Арчада кояш, Күпербашта яңгыр коя иде. 15-20 минут машинадан чыга алмый утырдым. Бераздан Арчага кире кайтканда каршыга стена булып яңгыр коя, бозлар тәгәри башлады. Яшен, күк күкри. Болыт егылып төште диярсең, бер-ике урында туктап торырга туры килде. Боз ява да ява,кайберәүләр капка төпләрендәге машиналарга одеял япканнар. Мин дә тизрәк гаражга кертеп яшердем.

Капканы ачып керсәм, түтәлләр боз астында калган, суган кыяклары теткәләнеп беткән. Сарымсаклар таза, аларга әлләни зыян килмәгән.

Борынгылар әйтмешли, баш исән булсын, бакча рәткә килер ул.