Әлифба авторларының уллары Камил Вагыйзов вафат

Камил әфәнде бөтен татар дөньясына мәгълүм шәхесләр, Әлифбаны тудыручылар Сәләй Вагыйзов һәм Рәмзия Вәлитованың уллары. Соңгы елларда ул Арчада әти-әни нигезендә гомер кичерде. 

" Якын күршесе буларак мин аның турында фәкать яхшы фикер генә әйтә алам. Өлкән яшьтә булуга карамастан,  тормыш сөючән, бик белемле, гаҗәеп итәгатьле кеше иде мәрхүм. Камил абый КАИ ны тәмамлаган югары белемле инженер - конструктор буларак, илебезнең космонавтика сәнәгатен үстерүгә дә лаеклы өлеш кертте. Ул озак еллар Казанның аэрокосмик җиһазлар институтында хезмәт куйды. Туганнарының тирән кайгысын уртаклашам" , - диде Хәлил Гайнетдинов.

Камил Вагыйзовны иртәгә Арчаның татар зиратына җирләячәкләр.