"Мәет" көтмәгәндә уянган

автор, 16 апрель 2020 - 19:24

2401

46 яшьлек Глэдис Родригес де Дуарте яманшеш белән авырган. 11 апрель көнне аны югары кан басымы белән хастаханәгә алып баралар. Ике сәгатьтән аның ире белән кызына үлүе турында хәбәр итәләр.

Үлеме турында сертификат әзерлиләр, клиника хезмәткәрләре аны мәетләр өчен тәгаенләнгән капчыкка салып күмү мәшәкатьләре белән шөгыльләнә торган бюрога озата.

Бюро иясе “мәет”нең селкенгәнен сизеп кала. Тиз арада хатынны кире хастаханәгә илтәләр һәм аны үлгән дип нәтиҗә биргән табибны эшенә салкын мөнәсәбәттә гаеплиләр. “Ул авыруны үле дип уйлап, реанимация чаралары күрмәгән, - дип бәян иткән Глэдисның кызы. – Без ул клиникага ышанып, әнине анда җибәрдек”.

Әлеге вакытта тикшерү эше башланган.

Былтыр Һиндстанда шундый хәл булган иде: Орисса штатында бер ирне күмгәндә ул башын борган.