Саннар артында кеше язмышлары, төзәлмәс югалтулар һәм авыр фаҗигаләр тора

17 гыйнвардан 31 гыйнварга кадәр Татарстан территориясендә «Каршы як полоса» исемле профилактик чара уздырылачак.

2025 елда юл кагыйдәләрен бозып, каршы як полосага чыгу сәбәпле, 54 юл-транспорт һәлакәте теркәлде.
Алар нәтиҗәсендә 28 кеше һәлак булды, 92 кеше төрле дәрәҗәдәге җәрәхәтләр алды.
Бу саннар — коры статистика гына түгел. Алар артында кеше язмышлары, төзәлмәс югалтулар һәм авыр фаҗигаләр тора.

Искәртәбез!
Юл кагыйдәләрен бозып каршы як полосага чыккан өчен 7500 сум штраф яки 4–6 айга транспорт чарасы белән идарә итү хокукыннан,  кабатланган очракта 1 елга кадәр машина йөртү хокукыннан мәхрүм итү.каралган.
Хөрмәтле машина йөртүчеләр!
Сезнең иминлек һәм пассажирларның гомере үз кулыгызда.
Юлда куркыныч манёврлар ясамагыз, һава торышын һәм юл шартларын исәпкә алыгыз.
Исегездә тотыгыз: берничә минут оту кеше гомере бәрабәренә тормый.