Татарстанда төнге янгында өлкән яшьтәге парның гомере өзелгән
Гадәттән тыш хәл Лениногорск районында булган.
1 гыйнварда төнлә Лениногорск районы Федотовка авылында шәхси йортта янгын чыккан. Бу хакта Россия Гадәттән тыш хәлләр министрлыгының Татарстан буенча Баш идарәсе хәбәр итә.
Коткару хезмәтенә янгын хакында 22.16 сәгатьтә хәбәр керә. Урынга килгән янгын сүндерүчеләргә күршеләр йорт эчендә ике кеше калган булырга мөмкин дип сөйләгән.
Янгын 23.18 сәгатьтә сүндерелә, хәрабәләр арасында 70 яшьлек ир-ат белән 67 яшьлек хатын-кызның мәете табылган.
Беренчел фаразлар буенча, янгын саксыз рәвештә тәмәке тарту сәбәпле чыккан.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев