Татарстанда яңа коронавирус инфекциясенең 86 яңа очрагы теркәлгән

18 декабрьгә Татарстанда яңа коронавирус инфкциясенең 86 яңа очрагы теркәлгән. Аның 3се – читтән кайтарылган, калганнары – авырулар белән контакта керү нәтиҗәсендә йоктырган.

41 кеше хастаханәләрдә, 45 кеше өйдә дәвалана.

Иң күп очраклар Казан һәм Яр Чаллы шәһәрләрендә теркәлгән. 25 һәм 18 очрак. Түбән Кама, Норлат, Әлмәттә 8-5 очрак теркәлгән. Арча районында соңгы тәүлектә яңа авыручылар теркәлмәгән. Барлык чорга 34538 кеше авыруны җиңеп чыккан, аларның 224е – соңгы тәүлектә.

Барысы 2 257 397 кеше вакцинация узган, аларның 1 858 214е икенче компонент вакцина алган.