«Чишмәкәй»дә өмә узды

Кызлар әби-бабайга булышырга дип өмәгә килделәр. Сания апа аларны каз канаты сыдырырга өйрәтте. Каз өмәсенең элек ничек үтүен, балаларның каз каурые сыдырганда ярдәм итүләрен,каз мамыгыннан мендәрләр  ясалуын сөйләде. Кунак кызлар эшкә бик тиз өйрәнделәр. Ә каз каурыен су юлына сибәргә дип егетләр  килделәр. Бабай аларны шаяртып,күңелле сүзләр сөйләп,кәефләрен күтәрде. Балалар җырладылар, каз канаты биюен башкардылар,милли уеннар уйнадылар.  

Милли тәрбия бирүдә әби-бабайларның роле аеруча зур. Балалар бу бәйрәмдә каз, аннан әзерләнүче ризыклар, каз каурыеннан ясалучы майлагыч турында белделәр һәм милли йолалар, гореф-гадәтләр белән таныштылар.

Әби- бабай рольләрен бик оста итеп тәрбиячеләребез Гөлназ Фәйзуллина һәм Лиана Хисмәтуллина башкардылар. Алар башка әби-бабайларны да оныкларына милли бәйрәмнәребезне, гореф-гадәтләребезне өйрәтергә өндәделәр. 
 

Арчаның 10 нчы номерлы балалар бакчасының татар теле тәрбиячесе Гарифуллина Рәмзия Хәйдәр кызы