Тәкә, Миңнур Шәмсетдинов һәм Мәхмүт Гәрәев

Рәмис Латыйпов фотолары 

Балыкчы белән баш батырга бирелгән тәкә янында таныштык. Эссе кояш астында басып торган тәкәне кызганып, шуны төшерергә дип янына килгән идем. Карыйм – тәкә янында бер бабай да басып тора. Мин, ул да тәкәне кызганып торадыр, дигән идем. Ә ул тәкәгә кызыгып тора икән. Дөресрәге, тулаем тәкәгә дә түгел. Бер өлешенә. Бу хакта – алдарак.

– Тәкә кызганыч түгелме? – дип сорадым мин аннан.

– Тәкә... Калдырды бит теге откан кеше безгә, сатып калдырды. Бу – сабан туенда беренче урын алган көрәшченең тәкәсе иде, Миңнур алып килде дә, тагын үзенә алды, – диде ул.

– Ничек инде, Питрәч сабан туендамы?

– Әйе, көрәшчегә акча гына бирә дә тәкәне алып кайтып китә.

– Көрәшче акча гына алып кайтып китәме?

– Көрәшче акча гына алып кайтып китә.

– Бу тәкә алайса ике үлемнән калды, әйеме?

– Ике сабантуйдан калды бу... Монысыннан да исән калды, суелмыйча.

Шулай, Питрәч район сабан туе батырының да тәкәне аласы килмәгән, быелгы «Медиа Сабантуй» батыры – Мамадыш егете Илдар Хәсәновның да автобуста тәкә өстерәп йөрисе килмәгән икән. Ул да төп бүләкне Питрәчтә хуҗаларына калдырган. Ә зерә! Бабайда – тәҗрибә, бабай белә нәрсәнең нидә кулланып буласын… Мин дә бабай белән чагыштырганда «сыек» шул, шуңа да бөтен уй тәкә турында гына, өметләнеп, абзыйга чираттагы соравымны бирдем, әмма аның җавабы, кизәнеп, «урак белән урап суккан» кебек булды...

– Бәлки, тәкә әле киләсе елга да исән калыр?

– Калуын калмас. Аның күкәе сом (җәен) тотарга кирәк. Шуның күкәеннән мин 75 килолы сом тоттым! Мишәдә, Чытыда. Миңнур бирсә, сарыкны үзем сатып алам әле, күкәе өчен генә кирәк миңа!

Менә сиңа мә... Менә нәрсә өчен кирәк икән тәкә!

Бу хакта тулырак: https://intertat.tatar/news/gigant-aen-totkan-balykcy-mediasabantui-batyryna-birelgan-takaga-kyzyga-ber-agzasyna-5860285