Казанда җәмәгать транспортында йөрү бәясе 42 сумга кадәр артачак дип фаразлана

Якынча бәя: билет өчен акчалата түләгәндә — 42 сум һәм карта белән түләгән очракта — 38 сум. Бу хакта Татарстан Тарифлар буенча дәүләт комитеты рәисе Александр Груничев Министрлар Кабинетында узган брифингта белдерде, дип яза «Татар-информ».

Юл йөрү өчен түләүне арттыру турындагы пункт язылган документ проектын ведомство 8 декабрьдә караячак. Спикер белдергәнчә, яңгыраган суммалар — төгәл бәя түгел, ә мөмкин булган вариантларның берсе генә.

Исегезгә төшерәбез, 2023 елда Татарстан башкаласында җәмәгать транспортында йөрү бәясе акчалата түләгәндә – 36 сум, ә карта белән 35 сум торды.

Татарстанның Автотранспорт предприятиеләре ассоциациясендә аңлатуларынча, юлга билет бәяләренең арту сәбәбе – дизель ягулыгының кыйммәтләнүе, инфляция (11,06 процент), шулай ук комплектлауга һәм запас частьләргә бәяләрнең үсүе.

Тулырак: https://tatar-inform.tatar/news/kazanda-amagat-transportynda-ioru-bayase-42-sumga-kadar-artacak-dip-farazlana-5880020

Хәзер Арча һәм Арча районы яңалыкларын безнең МАКС каналыннан  да белә аласыз