Марат Җәббаров кооператив оешмалары буенча соңгы урындагы районнарны атады

Авыл хуҗалыгы һәм азык-төлек министры Марат Җәббаров берничә районның кооператив оешмаларын тәнкыйтьләде. Министр оешмаларның эшчәнлеге турында Татарстан кулланучылар җәмгыятьләре һәм кооператив вәкилләренең 2018-2022 ел нәтиҗәләре буенча XX гомуми отчет-сайлау җыелышында сөйләде.

Марат Җәббаров читтәге район, авылларны беренчел кирәк-яраклар белән тәэмин итү – кулланучылар җәмгыятенең төп бурычларының берсе булуын әйтте. Кулланучылар кооперацияләре эше буенча аутсайдер районнар дип, Биектау һәм Алабуга районнарын атады. 

«Биектау районында кооператив эшчәнлегенең гомуми күләме биш ел дәвамында 56% ка, Алабуга районында 51% ка кимегән. Сез бу юнәлештә җитәрлек эшләмисез дип уйлыйм. Район башлыкларына кулланучылар кооперациясенең үсеш дәрәҗәсен анализлауны һәм бу мәсьәләне аерым контрольгә алуыгызны сорыйм», – диде ул. 

Тулырак чыганакта: https://tatar-inform.tatar/news/marat-abbarov-koopertiv-oesmalarynda-es-kulame-kimegan-raionnarny-atady-5866800

Хәзер Арча һәм Арча районы яңалыкларын безнең МАКС каналыннан  да белә аласыз