Ни өчен кер юа торган машина ишеген ачык тотарга ярамый?

Әгәр машина ишеге гел ачык торса, анда пычрак күбрәк тула, ә бу исә бактерияләр, гөмбәчекләр, күгәрек үсешенә китерә. Шулай итеп машинада ис барлыкка килә, юу сыйфаты начарлана, аппаратның эш срогы кими.

Кер юган саен, машинаның барабанын, резина өлешләрен салфетка яки чүпрәк белән сөртеп, дымны, порошок калдыкларын, пычракны бетерегез.

Сөрткәннән соң, машина ишеген 10-15 минутка ябып торыгыз, барабаны кипсен. Аннары ишекне бераз гына ярык калырлык итеп ачып калдырыгыз, җилләнеп торсын.

Дымлы яки пычрак керләрне барабанда озак тотмагыз, юкса сасы ис һәм тукымада таплар барлыкка килә.

Барабанга керне күп тутырмагыз, машина үзе ватылырга мөмкин, кер дә чиста булмас.

Порошокны артык күп салмагыз, барабанда, шлангларда юшкын утырыр.

Даими рәвештә профилактика ясап торыгыз. Моның өчен машинага аш серкәсе, лимон кислотасы, аш содасы салып, буш килеш максималь югары температурада эшләтеп җибәрегез.

Чыганак: https://intertat.tatar/news/ni-ocen-ker-yua-torgan-masina-isegen-acyk-totarga-yaramyi-5860114