Парацетамол файдалы гына түгел, зыянлы да икән

Парацетамол хәтта йөкле хатын-кызлар һәм балалар өчен авыртуны баса торган зарарсыз дару булып тора. Әмма, галимнәр әйтүенчә, гипертония авыруыннан интегүчеләрдә кан басымын күтәрергә мөмкин ул. Препарат ашказанына гына түгел, кан басымына да йогынты ясый чөнки, дип яза “KazanFirst”.

Шул ук вакытта галимнәр парацетамолны чамасын белми куллануның тискәре нәтиҗәләргә китерү – бавырга “сугу” ихтималын аңлаткан. Аларның сүзләренә караганда, бавыр авыруларыннан үлем-китемнәрнең төп сәбәпләреннән берсе – парацетамолны артык күп куллану.

Препаратның дозасын белеп куллану өчен башка даруларның да этикеткаларын игътибар белән укып чыгарга кирәк. Ник дигәндә, бик күп даруларда, хәтта йөткергәндә суыра торган бозлы “кәнфит”ләрдә, буыннар сызлаганда кулланыла торган порошоклар һәм препаратларда да бар ул.

Чыганак: https://vatantat.ru/2024/07/146301/