Поезд түбәсендә ир-ат мәетен тапканнар

(Казан, 12 октябрь, «Татар-информ», Полина Шевчук). Кичә коткаручыларга ашыгыч ярдәм диспетчерларыннан Юдино бистәсендә «Юдино профилакторие» тукталышында поезд түбәсендә бер ир-ат ятуы турында хәбәр килгән. Табиблар әйтүенчә, аны ток сугып үтергән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

Чакыру буенча килгән 2нче зона янгын-коткару отряды хезмәткәрләре 36 яшьлек ир-ат мәетен җиргә төшергән һәм полицейскийларга тапшырган.

 https://tatar-inform.tatar/news/official/12-10-2021/alabuga-da-yubiley-ford-transit-avtomobile-mi-nehanov-katnashynda-konveyerdan-t-sh-ch-k-5840894