Рамил Мөхәмәдияровны котлыйбыз!

Сезне туган көнегез белән ихлас күңелдән котлыйбыз. Шушы еллар   эчендә Сез кызыклы, бай тормыш юлын үтеп барасыз, хезмәт эшчәнлегегездә ышанычлы уңышларга ирештегез. Кайда гына эшләсәгез дә, Сез максатыгызга ирешүдә принципиальлек, һөнәри осталык һәм тирән белемле, кешелекле булуыгыз белән аерылып торасыз.    
Компетентлык, максатчанлык, эш өстенлекләрен билгели һәм конкрет нәтиҗәләргә ирешә белү –  Сезгә хас сыйфатлар. Сез эшлекле җитәкченең иң яхшы сыйфатларын үзегездә туплап, даими үзгәреп торучы  шартларда эшли белүегез , проблемаларны оператив рәвештә чишә белүегез белән үрнәк күрсәтәсез.  
 Без белем, тәрбия бирү өлкәсендә һәрдаим Сезнең ярдәмегезне тоеп хезмәт итәбез.  Сезнең актив тормыш позициягез, эшкә бирелгәнлегегез халык ихтирамын казанды.
Сезгә ихлас йөрәктән барлык эш- башлангычларыгызда уңышлар һәм зур җиңүләр телибез. Хыялларыгыз тормышка ашсын, дус-туганнарыгызның  ярдәме куйган максатларга  ирешү юлында яңа көч  өстәсен. Үзегезгә һәм  якыннарыгызга бәхет, шатлык, сәламәтлек, тынычлык һәм иминлек насыйп булсын!                                               Хөрмәт белән, Арча муниципаль районы мәгариф идарәсе коллективы.