Рөстәм Миңнеханов: Һәр телдә халыкның җаны чагыла
Рөстәм Миңнеханов Татарстан халкын Халыкара туган тел көне белән котлады
Татарстан Рәисе Рөстәм Миңнеханов Telegram-каналында язылучыларны Халыкара туган тел көне белән тәбрик итте. Ул истәлекле датаны Казанда узучы «Киләчәк уеннары» халыкара мультиспорт турниры белән бәйләп котлады.
Республика җитәкчесе видеоролик та урнаштырган, аның геройларына туган телне куллану көч бирә һәм нәтиҗәдә фиджитал-турнирда җиңү алып килә.
«Халыкара туган тел көне белән! Һәр телдә халыкның җаны чагыла. Туган телебезне саклыйк», - дип язган Рөстәм Миңнеханов.
Элегрәк «Татар-информ» агентлыгы ТР Дәүләт Советы Рәисе һәм республика халыклары Ассамблеясы җитәкчесе Фәрит Мөхәммәтшинның татарстанлыларны Халыкара туган көне белән котлавы хакында хәбәр иткән иде.
Чыганак: Татар-информ
Фото: Татарстан Рәисенең матбугат хезмәте
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев