Салават Фәтхетдиновның гаиләсендә татарча сөйләшүче юк

Салават Фәтхетдиновның кызы Лиана гаиләләре белән әниләре Ләйсән Фәтхетдинованың туган көнен бәйрәм иткәннәрен күрсәткән. 

Барлык балалары – кияү-киленнәре, оныклары – төп йортка чәчәкләр, бүләкләр күтәреп килгәннәр. Әтиләре репертуарыннан «Туган көн» җырын да башкарганнар, ләкин пышылдап кына диярлек. «Өйдә 1 яшьлек сабый йоклаганда туган көн белән менә шулай котлана», – дип яза Лиана. (Оригиналда: «Так выглядит наши поздравления, когда в доме спит годовалый малыш»). Сүз Салават Фәтхетдиновның улы Рөстәм һәм килене Рузиянең улы Дамир турында бара. Алар узган ел беренче тапкыр әти-әни булды.

Әниләре хөрмәтенә урамда салют та аттырганнар. Ләйсән Фәтхетдинова аны тормыш иптәше Салават Фәтхетдинов белән бик җылы итеп кочаклашып караган.

«Әниебез, туган көнең белән! Булганыңа рәхмәт, бик яратабыз сине», – дип яза видеолар янында Лиана. (Оригиналда: «С днем рождения, мамуль! Спасибо, что ты у нас есть»).

Видеолар барысы да русча язылган һәм рус телендә сөйләшәләр дә. Салават Фәтхетдинов үзе дә, бүләген биргәндә: «Это мой», – дип әйтә.

Салют атканда «Вот это я понимаю!» – дип кычкыра кызларының берсе.

Чыганак: https://omet-rb.com/articles/yoldyzlar-tormyshynnan-/2024-07-29/salavat-f-thetdinovny-gail-send-tatarcha-s-yl-sh-che-yuk-3865099