Татарстанда +33 градуска кадәр җылыта, урыны белән яшенле яңгыр көтелә

автор, 10 июнь 2025 - 09:44

181

Татарстанда 10 июньдә эссе булачак. ТР Гидрометүзәге мәгълүматлары буенча, республикада алмашынучан болытлы һава урнашачак. Көнбатыш районнарда кыска вакытлы яңгырлар, яшен һәм боз явуы ихтимал, дип яза «Татар-информ»

Җил күбесенчә көньяктан һәм көньяк-көнбатыштан, тизлеге 6-11 м/с. Яшенле яңгыр вакытында кыска вакытлы көчәю 15-20 м/с ка кадәр булырга мөмкин, урыны белән җилнең тизлеге 23 м/с ка җитәргә мөмкин.

Максималь температура +28дән +33 градуска кадәр булачак.