Яңалыклар
Татарстанда һава температурасы -41 градуска кадәр төшәчәк
Татарстанда аномаль салкын һава торышы урнашу сәбәпле яңа шторм кисәтүе игълан ителде. 9 һәм 10 гыйнварда төнлә һәм иртән республика территориясендә көчле салкыннар, һава температурасының -31..-36, урыны белән -41 градуска кадәр түбәнәюе көтелә. Бу көннәрдә көндез температура -25..-30 градус тәшкил итәчәк.
Татарстанда һәм Россиянең Европа территориясенең күпчелек өлешендә мондый һава торышы ультраполяр һава массалары үтеп керү белән бәйле, нәтиҗәдә республика территориясенә Арктика төбәкләреннән бик салкын һава массалары килә.
«Шуңа бәйле рәвештә, республикада бик салкын һава торышы урнашты», - дип ачыклык керттеләр ТР Гидрометеорология һәм әйләнә-тирә мохитне күзәтү идарәсендә.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев