“ТАТМЕДИА” белән ЦУМ хезмәттәшлек турында килешү имзалады
Казанда “ТАТМЕДИА” акционерлык җәмгыяте һәм Үзенчәлекле осталык үзәге (ЦУМ) арасында хезмәттәшлек турында килешү төзелде. Ул милли мәдәни мирасны һәм халык сәнгать кәсепләрен популярлаштыруга юнәлгән уртак проектларны гамәлгә ашыруны күздә тота.
Килешүгә “ТАТМЕДИА” генераль директоры Шамил Садыйков һәм Татарстан Креатив индустрияләрне үстерү үзәгенең генераль директоры, ЦУМ проекты җитәкчесе Ранко Тепавчевич кул куйды. Яклар уртак мәдәни чаралар, нәшрият проектлары һәм иҗади инициативаларны тормышка ашырырга ниятли, дип хәбәр итә “Татар-информ”.
“ТАТМЕДИА” белән ЦУМның максатлары уртак. Безнең өчен милли мәдәниятне, тарихны һәм гореф-гадәтләрне саклау, аларны киң җәмәгатьчелеккә җиткерү мөһим. ЦУМдагы остаханәләр һәм җитештерү мөмкинлекләре безнең проектларны яңа эчтәлек белән баетачак”, – дип билгеләп үтте «ТАТМЕДИА» генераль директоры Шамил Садыйков.
Хезмәттәшлек нәтиҗәсендә ЦУМ осталарының эшләре киңрәк аудиториягә тәкъдим ителәчәк, ә медиахолдинг укучылар һәм тамашачылар өчен татар халкының мәдәни мирасына багышланган яңа проектлар әзерләячәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев