Кемгә мөрәҗәгать итәргә?

“Мобиль телефонга акча күчердем, әмма ике атна үтүгә карамастан, ул кермәде. Бу очракта кая, кемгә мөрәҗәгать итәргә?”

– Бу очракта элемтә операторының төп офисына барырга кирәк була. Акча күчерү турындагы квитанция дә булсын. “Кулланучылар хокукларын яклау турында”гы Законның 27нче маддәсе нигезендә башкаручы элемтә хезмәте күрсәтү кагыйдәләрендә билгеләнгән вакытта хезмәт күрсәтергә тиеш. Тәртибе, вакытлары, исәп-хисап формасы, түләү системасы килешүнең җитди шартлары булып тора һәм алар килешүдә күрсәтелә. Килешү шартларын үтәмәгән өчен башкаручы штраф (неустойка) яки кулланучы таләбе буенча киткән чыгымны түләргә бурычлы.