Арск-Информ
  • Рус Тат
  • 1 февральдән Татарстанда электричкаларда банк карталары белән түләп булмаячак

    Барлык шәһәр яны кассаларында һәм автоматларда акчасыз түләү формасы гамәлдә калачак

    (Казан, 19 гыйнвар, «Татар-информ»). 1 февральдән Татарстанда шәһәр яны поездларында билетларны банк карталары белән алып булмаячак, дип хәбәр итә ТР Транспорт һәм юл хуҗалыгы министрлыгы матбугат хезмәте.

    «Мондый карар „Содружество“ шәһәр яны пассажир компаниясенә хезмәт күрсәтү полигонында тотрыклы интернет булмау сәбәпле кабул ителде. Барлык банкларның һәм түләү системаларының банк карталары түләүгә кабул ителмәячәк», — дип билгеләп үттеләр министрлыкта.

    Әгәр пассажир юл йөрү өчен акча түләүдән баш тартса, аңа билетсыз йөргәне өчен штраф салыначак. Аны поезддан поезд якындагы станциядә төшереп калдырачаклар.

    Реклама

    Шул ук вакытта барлык шәһәр яны кассаларында һәм автоматларда акчасыз түләү формасы гамәлдә калачак.

     https://tatar-inform.tatar/news/society/19-01-2022/1-fevrald-n-tatarstanda-elektrichkalarda-bank-kartalary-bel-n-t-l-p-bulmayachak

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: