Арск-Информ
  • Рус Тат
  • Арча кызы Артекта Татарстан данын яклый

    “Нур” телестудиясе журналисты Айгөл Фәттахова “Россиянең яшь медиалидерлары” Бөтенроссия бәйгесе җиңүчеләре – яшь журналистлар өчен VII Халыкара медиа форумда Татарстан данын яклый.

    Артекта “Россиянең яшь медиалидерлары” Бөтенроссия бәйгесе җиңүчеләре – яшь журналистлар өчен VII Халыкара медиафорум ачылды. Ул 9 апрелҗдән 29 апрельгә кадәр дәвам итәчәк. Медиафорум береенче тапкыр “Янтарный” лагерында уза. Анда Яшь журналистлар лигасы бәйге нәтиҗәләре буенча сайлап алган илебезнең 36 төбәгеннән 170 яшь журналист һәм 12 медиаәйдаман катнаша. Форумда якташыбыз, “Нур” телестудиясе журналисты Айгөл Фәттахова Татарстан Республикасы данын яклый.

    Реклама

    Форумда катнашу өчен башта “Яшь медиалидерлар” Бөтенроссия журналистика бәйгесендә җиңәргә кирәк иде. Телестудиядән “Яшь талантлар” номинациясенә Айгөлнең “Арча хәбәрләре” газетасында басылып чыккан “Дустым Айбулат” мәкаләсен һәм Адилә Галимҗанова турында төшерелгән “Йолдызлы кунак” телесюжетын җибәргән булганнар. Әлеге телесюжет “ЮниорСкиллс” бәйгесендә дә җиңү яулый. Айгөлнең эшләре 1 дәрәҗә дипломга лаек була.

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: