Арск-Информ
  • Рус Тат
  • Арчаның “Сандугач” балалар бакчасында районкүләм “Яшь полиглот” бәйгесе үтте

    Бәйгедә 22 бала катнашты

    Полиглот – күп  телләр белүче дигәнне аңлата. Кеше никадәр күбрәк тел белсә, шулкадәр күбрәк белем алырлык сәләткә ирешә ала, рухи яктан баерак була дигән гыйбарә бар. Балаларга кече яшьтән телләр өйрәтү – заман таләбе. Бер яктан  фикерләү дәрәҗәсен, хәтерен яхшыртса, икенче яктан киң  эрудицияле итә. Шуны истә тотып, һәр елны районыбыз балалар бакчалары арасында “Яшь полиглот” бәйгесе үткәрү гадәткә әверелде.

         19 май көнне Арчаның “Сандугач” балалар бакчасында районкүләм “Яшь полиглот” бәйгесе безнең бакчада үтте. Ул, балаларга телләр укыту (татар, рус, инглиз) буенча алгы педагогик тәҗрибә уртаклашу, иҗади тәрбиячеләрне һәм талантлы балаларны ачыклау, туган телгә һәм башка телләргә карата хөрмәт тәрбияләү максатларын үз эченә алды. Чараны бакчабызда тәрбияләнүче балалар тантаналы итеп ачып җибәрде. Бөекбританиядән һәм күрше төбәкләрдән  кунакка кайтучы дусларыбызга милли бәйрәмебез – Сабантуй күренешен тәкъдим итү аша, телләр белүнең кирәкле булуын аңалаттылар. Пролог дәртле бию һәм  милләтара татулык турында  мәгънәле сүзләр, матур җырлар белән үрелеп барды.

    Реклама

            Әлеге районкүләм бәйгедә  шәһәр һәм авыл бакчаларында тәрбияләнүче 22 бала катнашты. Алар төрле телләр белүләрен һәм осталыкларын күрсәттеләр. Һәр чыгыш нинди дә булса бер сюжетка корылган иде. Алар  төрле идеяларны яктыртты, киң эчтәлекле булды. Гадел хөкемдар тарафыннан карап уңай бәяләнде.

          Киләчәктә дә  телләр өйрәнүне дәвам итеп, уңышлы эшләргә язсын!

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: