Басуларда нихәл?

Арча метеостанция мәгълүматләре буенча майның 15 көнендә уртача һава температурасы +9,5 градус булды. Бу нормадан 3 градуска, ә 2021 елдан 6,8 градуска салкынрак. Явым –төшем 17.2 мм тәшкил итә (2021 елда 8,1 мм иде) норма 11,5 мм. 
  16 майга нәтиҗәле температура суммасы 116,3 градус (2021 елда 136 градус). Туфракның 1 метр катламында 16 майга дым 133-152 мм тэшкил итә (2021 елда 177 мм). Норма 174 мм.
 "Россельхозцентр"ның Арча районы бүлеге белгечләре тарафыннан басуларның торышы тикшерелеп торыла. Районда беренче булып чәчелгән "Курса МТСы" хуҗалыгында язгы бодай культурасы 1-2 яфрак фазасында. Бөҗәкләрнең зыян китерүе күзәтелми. Күпьеллык һәм берьеллык чүп үләннәренә каршы гербицидлар белән эшләү тәкъдим ителә.
" Кишет" хуҗалыгында 2022 елда борчак һәм рапс культураларында төрле корткычларга каршы биологик препаратлар һәм файдалы бөҗәкләр ярдәмендә көрәшү планлаштырыла.