Буран һәм температураның 0 градуска кадәр җылынуы көтелә

(18 гыйнвар, Казан, «Татар-информ»). 19 гыйнварда Татарстанда яңадан буран булуы, карт көртләре һәм көчле җил көтелә. Республикада җилнең тизлеге секундына 15-20 метрга җитәргә мөмкин, дип хәбәр итә Татарстан Республикасы гидрометеорология үзәге.

Буран вакытында күз күреме 1-2 километрга кадәр начарлана. Юлларда бозлавык, кар көртләре һәм кар измәсе булырга мөмкин.

Төнлә һаваның температурасы -7 градустан алып -2 градус, көндез исә -5 һәм 0 градуска кадәр җылыта.

Алдарак «Татар-информ» мәгълүмат агентлыгы кар һәм көчле бураннарның Татарстанда атна азагына кадәр сакланачагын язган иде.  

 https://tatar-inform.tatar/news/ecology/18-01-2022/tatarstanda-buran-m-temperaturany-0-graduska-kad-r-ylynuy-k-tel-5847473