Песошин Татарстан химикларын һөнәри бәйрәмнәре белән котлады

Фото: prav.tatarstan.ru

Татарстан Премьер-министры Алексей Песошин химия, нефть химиясе, нефть эшкәртү һәм фармацевтика сәнәгате хезмәткәрләрен һөнәри бәйрәмнәре – Химик көне белән котлады.

Ул билгеләп үткәнчә, республиканың химия, фармацевтика, нефть химиясе һәм нефть эшкәртү сәнәгате предприятиеләре, илгә каршы кертелгән санкцияләргә карамастан, көндәшлеккә сәләтле яңа төр продукция базарларына чыгуларын дәвам итәләр, икътисадның барлык тармаклары – авыл хуҗалыгыннан алып хәрби-сәнәгать комплексына кадәр элемтәләрне ныгыталар.

Ул үз гомерләрен химия тармагы белән бәйләүчеләргә нык сәламәтлек, тотрыклылык, уңышлар, бәхет һәм иминлек теләде.