Район мәгариф идарәсе җитәкчесе Рамил Мөхәмәдияров Халыкара хатын-кызлар көне белән котлады

Хөрмәтле  хатын-кызларыбыз!
8 март - Халыкара хатын-кызлар көне - иң якты, матур бәйрәмнәрнең берсе.
Язның беренче бәйрәме уңаеннан кояш кебек ягымлы, игелекле, аяз көн кебек якты күңелле, чәчәктәй гүзәл затларыбызга күңел түреннән чыккан ихлас котлау сүзләрен һәм иң изге теләкләремне җиткерәм.
Бу гүзәллек һәм җылылык бәйрәмендә без сезнең уңганлыгыгызга сокланабыз: сез һөнәри өлкәдә, иҗатта, иҗтимагый эшчәнлектә югары нәтиҗәләргә ирешәсез, гаилә учагын саклаучы булып торасыз, киләчәк буынга белем һәм тәрбия бирәсез.
Зур җаваплылык белән яшь буында күркәм холык, белемгә омтылыш, өлкән буынга һәм илебезнең бай мирасына ихтирам тәрбияләүче мөгаллимнәргә аеруча олы рәхмәтемне белдерәм.
Язның иң ямьле бәйрәме сезгә сәламәтлек, бәхет һәм бәрәкәт китерсен, яңа уңышларга рухландырсын! Көннәрегезнең һәр мизгеле шатлык-куанычлар белән үтсен, хыялларыгыз чынга ашсын,йортыгыздан иминлек,байлык,бәрәкәт китмәсен.Ихтирам  белән Арча муниципаль районы
мәгариф идарәсе җитәкчесе                                     Рамил Данил улы  Мөхәмәдияров