Райондашыбыз ЮХИДИ хезмәткәрләренә рәхмәтле

Вакыйга болай була. Казан-Малмыж юлының 61нче чакрымында Россия Эчке эшләр министрлыгының Арча районы буенча ЮХИДИ инспекторлары Рәдис Гарифуллин һәм Алмаз Әхәтов юлда авария сигналларын кушкан “Газель” машинасы торганын күрә. Алар хәлне ачыкларга теләп, машина янында туктый. Машина хуҗасы әйтүенчә, хәрәкәт вакытында аның машинасы кырыйга “каера башлый”. Юл читенә чыгып туктагач күрә – арттагы көпчәккә зыян килгән һәм ул төзәтерлек хәлдә түгел, юлны дәвам иттерү өчен кайбер детальләр кирәк. Автоинспекторлар якындагы автозапчасть сатыла торган кибеткә барып, кирәкле детальләрне алып килә һәм бәлагә таручыга запас көпчәк куярга ярдәм итә. Райондашыбыз булышучыларга рәхмәтле булып юлын дәвам итә.