Хөрмәтле якташыбызның яңа сәләте ачылды

Югары белемле математика укытучысы,яшьлегендә үзен авыл хуҗалыгы өлкәсендә дә оста оештыручы итеп күрсәткән,районның сәүдә тармагында озак еллар нәтиҗәле хезмәте өчен "Татарстанның атказанган халыкка хезмәт күрсәтү өлкәсе хезмәткәре" исеменә лаек булган Мөзәкир ага соңгы елларда туган төбәк тарихын өйрәнүгә дә үзенә генә хас җитдилек белән алынды.Аның туган авылы - Шекә тарихы серләрен ачкан китабы күпсанлы якташларыбызда зур кызыксыну уятты.

Һәм менә күптән түгел бу олпат шәхес безне яңадан гаҗәпкә калдырып матур шигырьләр дә иҗат итә башлады.

Берничәсен сезнең хозурыгызга да тәкъдим итәбез һәм Мөзәкир Әфләтүн улына яңа иҗат уңышлары теләп калабыз! 

✨Ураза гаете
Уразаны тәмамлыйбыз, 
Гаетлэргэ килегез. Мәчеткә намазга килеп 
Куңелегезне күрегез.
Гает намазына килү ир-атларга мәҗбүри. 
Аллаһны яраткан мөэмин 
Мәчеткә һаман йөри.
Гает намазын укыган бик зур саваплы була.
Күпләп намазга килсәләр,
Мәчетләр тулып тора.
Гает көне - олуг бәйрәм,
Бәйрәмне олылагыз.
Бер-берегезне тәбрик итеп
Күчтәнэчләр юллагыз.
Ризыкларны тәмле итеп, 
Бергәләп кулланыгыз.
Дус-туганнар,  мэәҗлес ясап,
Тагын да дуслашыгыз.
Әти-әниләрегезне дә 
Хөрмәтләүне белегез.
Догаларына ирешеп, ожмахларга керегез.
Ятимнәрне, мескеннәрне                       
Зурларга онытмагыз.
Күңеллэрен күтәрердәй
Сәдакәләр юллагыз.

✨Рамазаннан - шәүвәлгә

Рамазанны төгәллибез, 
Тиздән башлана шәүвәл. 
Бу айнын да изгелеген
Кисәтим әле әвәл. 
Хәдисләрдә әйтелгәнчә:
"Изгелек кыл, кардәшем", 
Шәүвәл уразасының да 
Зур савабын шәйләрсең. 
Алты көн уразада булу-
Мөэминнэргә зур савап. 
Бер ел ураза тоткандай
Аллаһтан иңәр жавап. 
Гаетләрдә бәйрәм ясап, 
Узара сәламләшик.
Кунакларга да йөрешик, 
Кирәксә, ярдәмләшик. 
Шәүвәл аен зурлыйк шулай, 
Изгелек дәвам итсен.
Күп зекердә булганнарга
Ожмахлар насыйп итсен! 
 

Галәмдә - яз ...

Яз да житте, көннәр жылы, 
Кояш нурларын сибә.
Пычрак һәм юеш юллар
Күзгә күренеп кибә.
Кошлар кайтты җылы яктан,
Бар да сайрый, моң сала,
Ботактан ботакка кунып, 
Үрчү өчен көч ала.
Сулар ага канаулардан
Гомерләр узган кебек,
Яңгырлар да явып үтә,
Җиргә дымнар сеңдереп.
Елның фасыллары төрле,
Яз килү күңеллерәк,
Карлар, бозлар эрегән күк
Иркенлек ала йөрәк.
Һавасы да йомшак була
Язгы рәхәт көннәрдә.
Төннәре дә бик тиз уза,
Яз килүен сизгәнгә.
Тиздән дөнья яшеллеккә,
Матурлыкка төренер,
Яз белэн җәй арасында
Бар да серле күренер.
Яз язын итә һәрчак,
Галәм нурга күмелә.
Гадәти булган әйберләр
Күзгә гүзәллек бирә.
Кыш белән җәй арасына
Аллаһ язны яраткан.
Тереклекне, матурлыкны
Җир йөзенә тараткан.

🌞🐦‍⬛Кошлар көне

Сандугач үзе кечкенә,
Ә сайравы бик матур. 
Сандугач сайравын тыңлап, 
Яшәдек без бик тату. 
Ә карлыгач, карлыгачның
Канаты кыйгач-кыйгач,
Черкелди ул канат кагып,
Җим ашап, тамак туйгач.
Саескан да матур кошчык,
Ботакларга сикерә.
Очып сикереп, уйный-уйный,
Хәбәрләрне җиткерә.
Басуларда тургай тавышы
Күңелләрне кузгата,
Тургай тавышына ияреп,
Агроном өйгә кайта.
Кара карга кар-кар итә,
" Без дә кайттык бит", - дия.
Карга гына булса да ул
Ватанын өзелеп сөя.
Сыерчыклар оялаган 
Абый куйган ояга,
Матур итеп чыркылдашып,
Моң тарата дөньяга.

Мартның егерме өчендә 
Мәктәптә бәйрәм иде,
"Кошлар көне"н билгеләүне
Әнием утәп килде.
Сәхнәләрдән шигырьләр дә, 
Җырлар да тыңлый идек.
Оя ясау конкурсында
Һаман да җиңеп килдек.
Бу шигырьләр багышланды
Әнием уңышына,
Дога булып ирешсә иде,
Аның матур рухына.