Бакчабызда «Алтын көз» бәйрәме узды

 Бәйрәмгә  әзерлек алдан ук башланды.Ата-аналар балалары белән бергә "Көзге фантазия" темасына яшелчәләрдән төрле әйберләр ясадылар. Алар бик кызыклы һәм гаҗәеп матур килеп чыкты.Урыннар билгеләнде,грамоталар тапшырылды. Моның өчен гаиләләргә балалар бакчасы тормышында актив катнашканнары өчен рәхмәт әйтәсе килә.
Кунаклар якты һәм матур, төрле төстәге яфраклар белән бизәлгән залга җыелды. Бәйрэмебез бик күңелле узды. Балалар янына кунакка урман күчтәнәчләре белән куянкай һәм төлке килде. Балалар әйлән-бәйлән уйнадылар, көз турында җырлар җырладылар, күңелле уеннар уйнадылар, биеделәр һәм түземсезлек белән "Көз кызының" килүен көттеләр. Көз кызы  үзенең сандыгыннан тылсымлы маскалар алып, балаларны төрле яшелчәләргә әверелдерде. Ә инде бөтен балаларга көз кызының - тулып пешкән алмалар тутырылган кәрзин бүләк итүе иң күркәм һәм истә калырлык мизгел булды.
Бәйрәмнең максаты балаларның кәефләрен күтәрү, аларга бу бәйрәм аша шатлык бүләк итү, аларны иптәшләре арасында үз-үзләрен тота белергә өйрәтүне дәвам иттерү, дуслык, бердәмлек хисләре, көз бәйрәменә, хезмәткә мәхәббәт хисләре тәрбияләү иде.
Балалар бакчасында үткәрелә торган бәйрәмнәр балаларның яңгыравыклы тавышлары, елмаю-көлүләре, аларның шау-шу килүләре һәм күңел ачулары белән үтә. Бу юлы да чара бик күңелле килеп чыкты. Ата-аналар да, балалар да канәгать калды.

                                                                                                         Тәрбияче:Ирагимова Л.Я