Балтач районында 19 яшьлек егетнең иңбашына агач борыс кергән һәм аркылы тишеп чыккан

Татарстанда республика клиник хасатаханәсе табиблары иңбашына агач борыс кереп, аркылы чыккан 19 яшьлек егетне коткарган.  Бу хакта клиниканың матбугат хезмәтенә сылтама белән «Татар-информ» яза.

Иске корылманы сүткән вакытта егет өстенә стена ава, борыс егетнең иңбашына кереп тишеп чыга. Имгәнгән егетне Балтач районыннан санавиация белән республика клиник хастаханәсенә китерәләр. 

«Егетнең умрау сөяге сынган, башы бәрелгән, таз-бот сөякләре сынган. Могҗиза белән генә аның үпкәләренә дә, җитди артерияләренә дә зыян килмәгән», - дигәннәр хастаханәдә.

Операциядән соң ул авыр хәлдә реанимациядә ята. Табиблар сүзләренчә, тормыш өчен әһәмиятле булган органнарына, кан тамырларына зыян килмәгән, тик инфекция таралу куркынычы бар. Хәзер аның гомере өчен табиблар көрәшә.