Эльвира Фазлыева: "Узган тормышка кире кайту мөмкин түгел"

автор, 19 апрель 2022 - 08:03

1241

15 апрель көнне җырчы һәм телевидение алып баручысы Эльвира Фазлыеваның кызы вафатына ике ел булды. Хәтерләсәгез, 5 яшьлек Аида өстенә агач төшү аркасында һәлак булды.

Эльвира Фазлыева: "Узган тормышка кире кайту мөмкин түгел"

“Узган тормышка кире кайту мөмкин түгел. Көн дә аның көлүен, шаяруларын сагынам, “әни, мин сине яратам” дигән сүзләрен юксынам. Көн саен иртән кадерлемне кочагыма алу хыялы белән йокларга ятам. Моның куркыныч төш булуын телим. Ләкин бу төш түгел, бу халәт белән көн дә яшәргә кирәк. Берни дә эшләп булмаячагын аңлавы әйтеп бетергесез авыр.

Авырлыкларны җиңеп, үзеңне аякка бастырып, якыннарга ярдәм итеп кенә яшәп була. Күпләрегез Аидамны якыннан белмәсәгез дә, яратасыз. Хисләремне уртаклашканыгыз өчен рәхмәт. Аны югалткан көн Рамазан аена туры килде. Әгәр Аидам (Александр кызы Аида) өчен дога кылсагыз, бик рәхмәтле булыр идем. Аллаһы кылган гамәлләрегез өчен зурласын сезне”, - дип язган Эльвира.