Балаларның җәйге ялын оештыру буенча “кайнар линия”

Җәйге ялларны иң элек балалар зарыгып көтеп ала, чөнки бу чорда алар өчен бик күп төрле җәйге сәламәтләндерү лагерлары эшли башлый. Сыйфатлы итеп оештырылган җәйге яллар уку елы алдыннан балаларга яхшы итеп ял итәргә, сэламэтлекләрен арттырырга, вакытларын файдалы итеп үткәрергә һәм яшьтәшләре белән аралышырга мөмкинлек бирә.
Әмма, балалар өчен ял итү урынын сайлаганда, әти-әниләргә кайбер үзенчәлекләрне белергә кирәк.
Балаларның җәйге ялын оештыру буенча сорауларыгыз булса, “кайнар линия” телефоннарына (8-84365-3-15-04, 8-84366-3-18-30) 09:00 сәгатьтән 16:00 сәгатькә кадәр шалтыратып бирә аласыз. “Кайнар линия” 2023 елның 2 июненә кадәр дәвам итәчәк.

Арча, Биектау районнарында «Татарстан Республикасы (Татарстан) 
гигиена һәм эпидемиология үзәге» сәламәтлек  саклау 
федераль бюджет учреждениесе филиалы
табибы Сабирова Ч. Р.